ახლა გარეთ ყინვაა, მზემც დაკარგა ხალისი
მახსოვს ამ მზის სხივები, როგორ გეფერებოდა
აღარ ისმის შენში ხმა, მიმზიდველი ქარიზმის
არც სიმები გიტარის, გულს რომ ემღერებოდა…
მოვეფეროთ სიყრმის წლებს, ახალგაზრდულ ბგერებით
სანამ მზეა, თორემ ხვალ, უცებ დაგვიზამთრდება
და თუ დღეს გვაქვს სამყარო, ნაირნაირ ფერებით
ამ ფერებსაც ვეფეროთ, თორემ დაგვიანდება.,
ნუ ინახავ შენში ნიჭს, რაც გარგუნა ბუნებამ
მერე რაა, რომ გარეთ წვიმს, ცივა ან ზამთარია,
გაეცი და უკლებლივ უკან დაგიბრუნდება
ცხოვრება ხომ “უსხივოდ” ხანმოკლე ზღაპარია!..
2020
